Ndërmarrja Publike “Vodovod” në Kumanovë ka njoftuar për defekte në rrjetin e ujësjellësit në dy lokacione të rrugës “11 Nëntori”, raporton tvfesta.mk.
Sipas njoftimit të ndërmarrjes, gjatë ditës së sotme, më 20 nëntor, janë evidentuar defekte në rrjetin e ujësjellësit në sektorin pranë “Selman Turizam”, si dhe në sektorin pranë Kazermës, të dyja në rrugën “11 Nëntori”.
Këto dy lokacione janë përfshirë në njoftimin e NP “Vodovod” për defektet dhe ndërhyrjet në rrjetin e ujësjellësit gjatë ditës së sotme.
Ndërmarrja nuk ka dhënë informacione të hollësishme lidhur me kohëzgjatjen e ndërhyrjeve apo nëse defektet do të shkaktojnë ndërprerje të furnizimit me ujë për banorët e këtyre zonave. /tvfesta

