Një 18-vjeçar nga Kumanova ka përfunduar në stacionin policor pasditen e së hënës, pasi u kap nga policia duke drejtuar një motocikletë pa zotëruar leje drejtimi.

Sipas njoftimit zyrtar nga Sektori për Punë të Brendshme (SPB) Kumanovë, ndalimi i të riut u bë gjatë kontrolleve rutinë të trafikut në rrugët e qytetit.

„Më datë 21.09.2026, në orën 17:55, në bulevardin ‘Revolucioni i Tetorit’ në Kumanovë, zyrtarët policorë nga SPB Kumanovë kanë privuar nga liria personin me iniciale A.J. (18) nga Kumanova“, bëjnë me dije nga policia.

Nga MPB sqarojnë se gjatë kontrollit të komunikacionit, pjesëtarët e policisë kanë ndaluar një motocikletë të llojit „Aprilia“ me targa të Kumanovës, me ç’rast është konstatuar se i riu po e ngiste atë pa pasur patentë shofer.

Pas dokumentimit të plotë të rastit, ndaj 18-vjeçarit do të dorëzohet parashtresa përkatëse ligjore.