Bekim Sejdiu (i lindur në vitin 1974) është gjyqtar në Gjykatën Kushtetuese të Republikës së Kosovës, prej vitit 2015.

Më parë Sejdiu ka shërbyer si diplomat në Ministrinë e Punëve të Jashtme të Republikës së Kosovës. Ai i takon brezit të parë të ambasadorëve të Republikës së Kosovës.

Ai ka qenë Ambasador i Republikës së Kosovës në Turqi (2008-2012) dhe Konsull i Përgjithshëm i Republikës së Kosovës në Nju-Jork (2012-2014).

Bekim Sejdiu ka qenë edhe këshilltar politik në Kabinetin e Ministrit të parë të Ministrisë së Punëve të Jashtme të Republikës së Kosovës.

Ai ka qenë edhe profesor (asistent) në Departamentin e të Drejtës Ndërkombëtare të Fakultetit Juridik pranë Universitetit të Prishtinës.

Studimet në Fakultetin Juridik të Universitetit të Prishtinës i ka kryer në vitin 1999. Më pas ka magjistratur në fushën e marrëdhënieve ndërkombëtare, në Universitetin e Bilkentit (2005), dhe në fushën e demokracisë dhe të të drejtave të njeriut, në Universitetin e Sarajevës dhe në Universitetin e Bolonjës (2001).

Sejdiu ka doktoruar në fushën studimeve ndërkombëtare dhe diplomatike në Fakultetin e Qeverisë dhe të Studimeve Evropiane – Nova Univerza, në Slloveni.

Ka punuar edhe në institutin KIPRED (2002-2008) e ka qenë edhe drejtor programi në Fondacionin Kosovar për Shoqëri Civile – FKSHC./Bahri Cani