Është gjetur 91-vjeçari nga Kumanova, i cili ishte raportuar i zhdukur nga familjarët e tij, raporton tvfesta.mk.
Sipas informacioneve të publikuara nga Sektori për Punë të Brendshme në Kumanovë, i moshuari me inicialet S.S. (91) është gjetur gjatë fundjavës, pasi më herët ishte larguar nga shtëpia familjare.
Rasti ishte denoncuar në polici më 13 nëntor 2026, nga djali i tij, T.S. (65), siç raporton tvfesta, i cili kishte njoftuar autoritetet për zhdukjen e babait.
Nga policia bëjnë të ditur se më 14 nëntor është raportuar zyrtarisht gjetja e 91-vjeçarit.
Autoritetet nuk kanë dhënë detaje shtesë lidhur me vendndodhjen ku është gjetur i moshuari apo rrethanat e largimit të tij nga banesa.

