Yakin beson se Xhaka mund ta drejtojë Zvicrën në të ardhmen

Yakin beson se Xhaka mund ta drejtojë Zvicrën në të ardhmen

Sport

Gazeta Express

29/08/2023 12:48

Granit Xhaka mund të bëhet në të ardhmen përzgjedhës i
Kombëtares së Zvicrës. Kështu ka deklaruar Murat Yakin.

Ai të njëjtin vlerësim e dha edhe për Manuel Akanjin, gjatë një interviste për “20minuten”, shkruan Gazeta Express.

Kur u pyet rreth shkollimit që po bën mesfushori kosovar për trajner,
Yakin tha: “Më vjen mirë për të gjitha opinionet dhe pikëpamjet. Me njohuritë
dhe përvojën e tij, nuk kam asnjë dyshim që Graniti mund të jetë një trajner i
suksesshëm”.

Tutje, përzgjedhësi i Zvicrës shtoi: “Por, ai nuk është i vetmi.
Këtë ia dhashë edhe Manuel Akanjit. Për mua ai është i paracaktuar të bëjë një
karrierë trajneri”.

Ndërsa, në pyetjen se “A do t’ju zëvendësojë Xhaka apo Akanji si
trajner i Kombëtares kur të tërhiqeni?”, Yakin deklaroi: “Në një moment i besoj
absolutisht të dyve”. /Gazeta Express/