Djimsiti në bisedime me Besiktasin, klubi turk synon huazimin e tij
Sport
Gazeta Express
27/08/2023 12:06
Berat Djimsiti mund të bëhet futbollisti i radhës shqiptar që i bashkohet Superligës së Turqisë.
Besiktasi është klubi që ka shprehur interesim për mbrojtësin e Atalantas, shkruan Gazeta Express.
“beIN Sports” ka raportuar se klubi turk ka nisur bisedimet me Djimsitin.
Madje thuhet se zyrtarët e këtij klubi janë takuar me 30-vjeçarin, për të biseduar rreth mundësisë së huazimit të tij.
Reprezentuesi i Shqipërisë besohet se është i hapur për një lëvizje të tillë.
Berat Djimsiti është pjesë e Atalantas që nga viti 2016. Ai ka kontratë të vlefshme deri në verën e vitit 2026. /Gazeta Express/