Numri i rasteve me kancer mund të shkojë në dy mijë deri në fund të vitit, sipas Kurtishit

Drejtori i Klinikës së Onkologjisë, Ilir Kurtishi, ka thënë se numri i personave të sëmurë me kancer mund të shkojë deri në dy mijë persona.

Ai këtë gjë e ka thënë gjatë një interviste për Ekonomiaonline, ku ka thënë që në bazë të trendit të sëmundjeve malinje, ky numër edhe mund ta prekë këtë shifër.

“Deri në fund të vitit në bazë të trendit të sëmundjeve malinje ky numër mund të kap shifrën e 2000 personave të rinj të sëmurë me kancer në Kosovë”, ka thënë Kurtishi.

“Është numër shumë i vogël i pacientëve të dërguar jashtë shtetit, dhe ne kemi referuar deri tash 3-4 raste, prej tyre janë 2 ose tre të cilët kanë pasur nevojë të bëjnë një formë të rrezatimit të veçantë e cila nuk bëhet në asnjë vend tjetër të rajonit siç është Gama Knife ose Cyber Knife dhe e kemi pasur një rast i cili është dashur të marrë një formë të veçantë të kimioterapisë direkte në bark ose në mëlçi dhe këto janë do të thotë numër minimal të cilët kërkojnë dhe marrin trajtim jashtë Kosovës”.