Në sezonin e Binjakëve, ja se çfarë duhet të dini nëse njihni dikë të kësaj shenje

Në sezonin e Binjakëve, ja se çfarë duhet të dini nëse njihni dikë të kësaj shenje


Rozë


Gazeta Express

24/05/2023 16:14

Duke marrë parasysh që çdo shenjë horoskopi ka të mirat dhe të këqijat e veta, edhe Binjakët nuk kanë si të shpëtojnë.

Duke marrë parasysh që çdo shenjë horoskopi ka
të mirat dhe të këqijat e veta, edhe Binjakët nuk kanë si të shpëtojnë, sipas
Top Albania Radio. Duke qenë se tashmë kemi hyrë në sezonin e tyre, ja se çfarë
duhet të dimë për shenjën e Binjakëve…

Binjakët në zyrë

Nëse ke një koleg të shenjës së Binjakëve, je
me fat. Binjakët shquhen për ide kreative dhe për biseda të gjata, që s’dinë
t’u japin fund. Por, Binjakët, siç kanë edhe simbolin e tyre, ndahen në dy
pjesë: Një “personalitet” mund të flasë, të punojë, të ketë sensin e estetikës,
të bëjë prezantime dhe tjetri mund të jetë më i qetë dhe më i përmbajtur.
Ndonjëherë nuk i marrin shumë seriozisht gjërat dhe ngatërrojnë marrëdhënien e
punës me atë personale.

Binjakët në dashuri

Binjakët janë flirtues dhe shumë të dhënë pas
partnerëve, ndaj duhet që t’iu dhurosh gjeste të bukura dhe fjalë të ëmbla.
Ndërkohë, Binjakët, janë të dyzuar mes tradicionales dhe modernes, ndaj edhe
pse kanë dëshirë të provojnë gjëra të reja, sërish duan të kenë një marrëdhënie
romantike si nëpër filma. Nga ana tjetër, janë shumë kuriozë dhe duan të dinë
gjithçka për njerëzit. Nëse do të fitosh zemrën e një personi që është shenja e
Binjakëve, mbaje gjallë bisedën. Një anë e keqe e Binjakëve në lidhje? Shumë
xhelozë dhe duan gjithë kohës vëmendje.

Binjakët me miqtë

Binjakët udhëhiqen nga Mërkuri, planeti i
komunikimit dhe kjo do të thotë se Binjakët janë qendra e vëmendjes në çdo grup
shoqëror. Binjakët duan gjithë kohës të njohin njerëz, por edhe të informohen
përmes librave dhe internetit. Ata përshtaten shpejt dhe janë fiks si për një
mbrëmje në shtëpi, edhe për një natë të çmendur në club. Por, kanë edhe një anë
të keqe: Anulojnë planet në sekondën e fundit.

Binjakët kur janë vetëm

Binjakët duan të marrin njohuri nga të gjitha burimet. Kur janë vetëm, mbledhin informacion, rrinë në rrjetet sociale, u shkruajnë miqve, dërgojnë meme, lexojnë artikuj ose libra. Binjakët e duan artin dhe duan të ndërmarrin aventura të reja, zakonisht afatshkurtra. Binjakët nuk kanë aspak frikë nga ndryshimi, përkundrazi, e duan atë, ndaj në shumë raste zgjedhin ta ndryshojnë mobilimin e shtëpisë dhe ta përshtatin sipas humorit dhe stinëve./Top Channel