Al-Nassr vazhdon garën për titull, Ronaldo kontribuon me gol në fitoren sensacionale ndaj Al-Shabab

Al-Nassr vazhdon garën për titull, Ronaldo kontribuon me gol në fitoren sensacionale ndaj Al-Shabab


Sport


Gazeta Express

23/05/2023 22:32

Al-Nassr ka regjistruar fitore ndaj Al-Shabab
për të mbajtur gjallë shpresat për titullin e kampionit në Ligën Profesionale
Saudite.

Skuadra e drejtuar nga Dinko Jelicic fitoi
si vendase me rezultatin 3:2, shkruan Gazeta Express.

Al-Nassr ishte duke humbur në këtë
përballje 0:2, por ia doli të triumfoi me një rikthim sensacional.

Cristiano Ronaldo la gjurmë edhe në këtë fitore,
duke kontribuar me gol.

Ylli portugez shënoi në minutën e 60-të. Goli i tij ishte i përmbysjes në 3:2, që në fund doli të jetë edhe goli i fitores.

Për 38-vjeçarin ishte ky goli i tij i 14-të
këtë sezon.

Anderson Talisca (44’) dhe Abdulrahman Ghareeb
(51’) shënuan dy golat tjerë në fitoren e vendasve.

Ndërkaq, për skuadrën mysafire të dy golat
u shënuan nga Cristian Guanca (24’ nga penalltia, 40’).

Al-Nassr pas kësaj fitore ka 63 pikë në
pozitën e dytë në tabelë, tri pikë më pak se lideri, Al-Ittihad.

Deri në fund të sezonit do të zhvillohen
edhe dy xhiro.

Al-Shabab është i treti me 53 pikë. /Gazeta Express/