Plagoset një person në Suharekë, arrestohet i dyshuaric



Autori: Gazeta inFokus


10:00 | 15 May 2023

Një person është plagosur të dielën rreth orës 19 e 30 minuta në Suharekë. Policia ka njoftuar se është arrestuar personi i dyshuar ndërsa viktima ka pranuar tretman mjekësor.

“Është arrestuar i dyshuari mashkull kosovar pasi që i njëjti për motive të panjohura ka shtënë me armë zjarri në drejtim të viktimës mashkull kosovar. Viktima është dërguar për tretman mjekësor, ndërsa njësitet policore në vendin e ngjarjes kanë gjetur dhe konfiskuar një pistoletë, 6 copë fishekë dhe një gëzhojë”, thuhet në njoftimin e policisë.

Policia ka njoftuar se me vendim të prokurorit, i dyshuari është dërguar në mbajtje. Rasti është hapur “vrasje në tentativë”.